சித்ரா பௌர்ணமி 2025 வழிபாடு

சித்ரா பௌர்ணமி என்பது தென்னிந்தியாவில், குறிப்பாக தமிழ்நாட்டில் மிகவும் விமர்சையாகக் கொண்டாடப்படும் ஒரு முக்கிய ஆன்மிகத் திருவிழா. இது தமிழ் புத்தாண்டுக்குப் பிறகு வரும் முதல் பவுர்ணமி, எனவே இதற்கு ஒரு தனிச்சிறப்பும் ஆன்மிக ஆழமுமுள்ளது.

📅 2025 சித்ரா பௌர்ணமி தினம்:

• தேதி: 12 மே 2025, திங்கள் கிழமை
• நட்சத்திரம்: சுவாதி
• பௌர்ணமி திதி ஆரம்பம்: 11 மே 2025 – இரவு 8.01
• பௌர்ணமி திதி முடிவு: 12 மே 2025 – இரவு 10.25
• குறிப்பு: சூரிய உதயத்தின் போதுள்ள திதியே அந்த நாளின் திதியாகக் கருதப்படுவதால், 12ம் தேதி சித்ரா பௌர்ணமியாகக் கொண்டாடப்படுகிறது.

🌞 சூரியன் மற்றும் சித்ரா பவுர்ணமி

தமிழ் புத்தாண்டின் தொடக்கத்தில் சூரியன் மேஷ ராசியில் நுழைகின்றார். மேஷத்தில் சூரியன் உச்ச நிலையில் இருப்பதால், இந்த பவுர்ணமி ஜோதிட ரீதியாகவும் ஆன்மீக ரீதியாகவும் மிகவும் சக்தி வாய்ந்ததாகக் கருதப்படுகிறது. இந்த நாளில் பிறக்கும் குழந்தைகள் அதிர்ஷ்டசாலிகள் என நம்பப்படுகிறது.

மேலும், சூரியனின் சொந்த நட்சத்திரமான கிருத்திகை நட்சத்திரமும் மேஷ ராசியிலேயே துவங்குகிறது. இந்தக் காலப்பகுதி “அக்னி நட்சத்திரம்” எனப்படும். இது உஷ்ணமும், ஆன்மீக தூய்மையும் நிறைந்தது.

🛕 மதுரையின் கள்ளழகர் விழா

சித்ரா பவுர்ணமியோடு இணைந்து, மதுரை நகரில் மிகவும் பிரசித்தி பெற்ற சித்திரைத் திருவிழாவில் “கள்ளழகர் வைகை ஆற்றில் இறங்கும்” நிகழ்வும் நடைபெறுவது குறிப்பிடத்தக்கது.

📜 சித்திரகுப்தர் – பாவ புண்ணிய கணக்காளர்

புராணங்களின் படி, சித்ரா பவுர்ணமி நாள் சித்திரகுப்தரின் பிறந்த நாள் என கருதப்படுகிறது. இவர் எமதர்மனின் கணக்காளர், மனிதர்களின் பாவம் – புண்ணியம் ஆகியவற்றின் கணக்கை பராமரிப்பவர் என நம்பப்படுகிறது.

ஜோதிட ரீதியாக, சித்திரகுப்தர் என்பது கேதுவின் அதி தேவதை. அவரை வழிபட்டால், ஜாதகத்தில் கேதுவால் ஏற்படும் தோஷங்கள் நீங்கி நல்ல பலன்கள் கிடைக்கும். இந்த நாளில் வைடூரியம் (கேதுவின் ரத்தினம்) அணிவதற்கு சிறந்த நாள்.

🪔 சித்திரகுப்தன் படியளப்பு பூஜை முறை

இந்த நாளில், வீட்டில் விநாயகர் படத்துடன், அருகில் ஏடும் எழுத்தாணியும் வைத்து, “சித்திரகுப்தன் படியளப்பு” என ஒரு தாள் எழுதிக் வைத்து வழிபடுவது வழக்கம்.
இந்த வழிபாட்டின் போது,
“மலையளவு பாவத்தைக் கடுகளவாகவும், கடுகளவு புண்ணியத்தை மலையளவாகவும் எழுதிக் கொள்” என சித்திரகுப்தரிடம் வேண்டப்படுகிறது.

🍲 சித்திரைக் கஞ்சி – பக்திப் பரிமாறும் பரம்பரை

இந்நாளில் பல ஆலயங்களில் “சித்திரைக் கஞ்சி” என்ற நிவேதனமாக கஞ்சி தயாரித்து பக்தர்களுக்கு வழங்கப்படுகிறது. இது பழங்கால தமிழர் பண்பாட்டின் ஒரு பாகமாக இன்று வரை கோவில்களில் பரிமாறப்படுகிறது.